Омбыда Қазақстанның инвестициялық мүмкіндіктері таныстырылды
Омбы облысының экономика министрі Р. Галямовтың қатысуымен Омбы қаласының бизнес-қауымдастық өкілдері үшін Қазақстанның инвестициялық мүмкіндіктерінің және «Астана» халықаралық қаржы орталығының (бұдан әрі - АХҚО) таныстырылымы өтті.
АХҚО басқарушы директоры Айдар Қазыбаев АХҚО алаңында ағылшын жалпы құқығы, сондай-ақ тәуелсіз сот және төрелік жұмыс істейтінін атап өтті. Сонымен бірге сот отырысының қатысушылары төрешілерді, оның ішінде Ресей Федерациясынан да, даудың қаралатын тілін өз бетінше таңдауы мүмкіндігі бар екенін, сонымен қатар, ресейлік кәсіпкерлер үшін Астананың географиялық қолжетімділігін атап өтті.
«Орал-Сібір аймағының инвестициялық және қаржылық-өнеркәсіптік кәсіпорындарын АХҚО алаңына тарту Қазақстан Республикасы мен Ресей Федерациясының өңіраралық ынтымақтастығын нығайтудың маңызды міндеті болып табылады. 2019 жылдың күзіне жоспарланған Қазақстан мен Ресейдің трансшекаралық ынтымақтастық Форумының басталуымен тараптар АХҚО шеңберінде өзара тиімді ынтымақтастықтың нақты жобаларын көрсетуге ниетті», - деді А. Қазыбаев.
Тұсаукесер барысында қатысушыларға АХҚО алаңында ерекше институционалдық жағдай туралы және қаржы құралдарының кең ауқымды қолжетімділік, Омбыдағы шағын және орта бизнес (ШОБ), оның ішінде батыс және азиялық нарықтардың одан әрі дамуына қосымша қаражат тарта алатыны туралы ақпарат берілді.
Сондай-ақ, спикерлер АХҚО инфрақұрылымы ҚХР «Бедеу және жол» бастамасы үшін платформа болатынын атап өтті. Инфрақұрылымдық жобаларды қаржыландыру тетігі АХҚО биржасымен (AIX) қамтамасыз етіледі.
Тұсаукесердің соңында екіжақты кездесулер өткізілді, онда ШОБ өкілдері қойған сұрақтарына толық жауап алды, сондай-ақ АХҚО сайтында тіркеу процедурасы және қатысушыларды қолдау туралы кеңес алды.