Он жылда Ұлттық банк 550 тонна алтын сатып алған

Соңғы 10 жылдың ішінде Ұлттық банк қорына 550 тонна тазартылған алтын сатып алынды. Бұл туралы Өнеркәсіп және құрылыс министрлігінен мәлім етті, деп хабарлайды Kazinform.

«2011 жылға дейінгі елде өңделген барлық алтын сыртқа шығарылған. 2011 жылдан бастап 2015 жылға дейін алтынды экспорттауға уақытша шектеу қойылды. 2011-2015 жылдары 229,62 тонна көлемде өңделмеген алтын алынды. Оның ішінде 64,24 тоннасы экспортқа шығарылды. Ал шамамен 110 тонна тазартылған алтын Ұлттық банкке өткізілді», — деп жауап берді министрлік агенттіктің сауалына.

Ведомство мәліметінше, «Бағалы металдар мен асыл тастар туралы» заңға сәйкес, 2016 жылдан бастап Ұлттық банк аффинирленген алтынды сатып алуда басым құқыққа ие болған. 

«2011-2022 жылдар аралығында Ұлттық банктің қорына шамамен 550 тонна тазартылған алтын сатып алынды. Елімізде жыл сайын шамамен 1 мың тоннадан астам күміс өңделеді. Оның 990 тоннаға жуығы экспортталады», — деп атап өтеді министрліктен.