Өңделген агроөнеркәсіптік кешен өнімдері экспорты өсті - Ербол Қарашөкеев
НҰР-СҰЛТАН. ҚазАқпарат – 2021 жылдың 9 айында агроөнеркәсіптік кешен өнімдері экспортының көлемі 2,6 млрд АҚШ долларын құрады. Бұл туралы Ауыл шаруашылығы министрі Ербол Қарашөкеев айтты, деп хабарлайды ҚазАқпарат тілшісі.
«Экспортталатын өнім көлемін ұлғайту мақсатында министрлік өңделген өнім экспортына басымдық бере отырып, ауыл шаруашылығы өнімінің экспорттық әлеуетін дамыту бойынша жоспарлы жұмыс жүргізуде. 2021 жылдың 9 айында агроөнеркәсіптік кешен өнімдері экспортының көлемі 2,6 млрд АҚШ долларын құрап, 2020 жылдың осындай кезеңімен салыстырғанда 14,3%-ға өсті (2020 жылдың 9 айында – 2,2 млрд АҚШ доллары)», - деді Е. Қарашөкеев Үкімет отырысында.
Оның айтуынша, өңделген агроөнеркәсіптік кешен өнімдері экспортының көлемі 950,5 млн АҚШ долларын құрады, бұл 2020 жылдың осындай кезеңінен салыстырғанда (928,5 млн. АҚШ доллары) 2,4%-ға жоғары.
«Агроөнеркәсіптік кешен өнімдері экспортының құрылымында өңделген өнім экспортының үлесі 37%-ды құрады», - деді министр.
