Онлайн сауда жасаушылардың құқығы қалай қорғалып жүр

онлайн сауда
Фото: Pixabay

Елімізде онлайн сауда жасайтын тұтынушылардың құқығы заңмен қорғалады, деп хабарлайды Kazinform.

Астана қаласының сауда және тұтынушылар құқығын қорғау департаментінің басшысы Нұрғали Егембердиевтің мәліметіне сәйкес биыл 9 айда онлайн сауда жасаушылардың 600 өтініші қаралып, республика бойынша 31 млн теңгеден астам бұзылған құқық қалпына келтірілген.

«Тұтынушылар құқығын қорғау туралы» жаңа заң жобасы шеңберінде интернет-ресурстар «сауда объектілеріне» теңестіріледі. Тиісінше офлайн сатушыға қойылатын барлық талап онлайн сатушыларға да қолданылады»,- деді Нұрғали Егембердиев қалалық коммуникациялар қызметінде өткен брифингте.

Департамент басшысының айтуынша, Тұтынушы құқығын қорғау туралы қолданыстағы заңға сәйкес тұтынушы ақаулы тауарды қайтаруға құқылы, сондай-ақ өз таңдауы бойынша сатып алу бағасын пропорционалды төмендете алады.

Сондай-ақ, тауардың кемшіліктерін жоюды, тауарды ұқсас маркалы тауарға (модельге, артикулға) ауыстыруды, шартты бұзуды және тауарға төленген ақшалай соманы қайтаруды талап етуге құқылы.

Соңғы жаңалықтар