Оңтүстік Қазақстан облысында бұдан бұрын жабық болған жол учаскесінде көлік қатынасы жанданды

деп хабарлады ҚР Көлікжәне коммуникация министрлігінің баспасөз қызметінен.

«Бүгін сағат 17.30-дан бастап Алматы-Ташкент-Термез автожолының бұдан бұрын жабық деп жарияланған «Рубеж» бекеті Шақпақ баба (593-606 шақырым) учаскесінде көлік қатынасы қайта жанданды», - делінген ведомство ақпаратында.

Сонымен қатар, ауа райының қолайсыздығы салдарынан еліміздің бірқатар өңірлерінде автомобиль жолдары әлі де жабық күйінде қалып отыр. Соның ішінде Алматы облысында Қапшағай - Күрті (0-67 шақырым), Үшарал - Достық (0-184 шақырым) учаскелері, Шығыс Қазақстан облысында Омбы-Майқапшағай-Қалжыр- Теректі» автожолының Біржан - Теректі учаскесі (70-124 шақырым), Өскемен-Зыряновск-Рахманов қайнар бұлақтары автожолының Ушанов ауылы-Зыряновск» учаскесі (6-164 шақырым), Қарағанды облысында Қарағанды-Аягөз-Бұғаз автожолының Ботақара-Қарқаралы учаскесі (64-127 шақырым) көлік қозғалысы үшін шектеулі.