Оңтүстік Қазақстан облысында екі шенеунік пара алу үстінде ұсталды
ШЫМКЕНТ. Қыркүйектің 14-і. ҚазАқпарат /Татьяна Пылаева/ - Оңтүстік Қазақстан облысы Қазығұрт ауданындағы Қызылқия ауылдық округінің әкімі мен осы округтің жер қатынастары жөніндегі жетекші маманы парамен ұсталды,
деп хабарлады Ұлттық қауіпсіздік комитетінің облыстық департаментінен.
Департаменттің тергеуші-жедел тобы оларды Шымкент-Сарыағаш тас жолының бойында орналасқан дәмханалардың бірінде ұстады. «Күдіктілер жеке тұрғын үй құрылысына жер телімін беру үшін өтініш берушіден 50 мың теңге сома ақша талап еткен», - деп хабарлады департаменттің баспасөз қызметінен.
Аталған факті бойынша қылмыстық іс қозғалды.
