«Оңтүстік» қолбасшылығында үздік әскерилер байқауы өтті (ФОТО)
АСТАНА. ҚазАқпарат - «Оңтүстік» өңірлік қолбасшылығының 91678 әскери бөлімінде «Үздік взвод сержанты» және «Үздік бөлімше командирі» байқауы өтті, деп хабарлайды ҚР Қорғаныс министрлігінің баспасөз қызметі.
Байқауға 14 әскери қызметші қатысты. Байқау мақсаты - сержанттар мен командирлердің әскери-кәсіби тұрғысындағы даярлық деңгейін анықтау. Кәсіби даярлықтарын айқындау үшін әскери-кәсіптік тест, атыс даярлығы, радиациялық, химиялық және биологиялық қорғау, саптық және дене даярлығы, қоян-қолтық ұрыс бойынша сынақ қабылданды.
Байқау қорытындысы бойынша 91678 әскери бөлімінің «Үздік взвод сержанты» атағы 1-ші таулы-егерьлік взводының сержанты аға сержант Сүндетбай Нұрлыбаевқа берілді.
Бөлімше командирлері арасында 1-ші таулы-егерьлік взводының сержанты Жасұлан Әлімбетов үздік атанды.
Қарулы күштердегі мұндай байқаулар ұдайы негізде өткізіліп тұрады.
