Оңтүстік Корея әлемдік роботтар чемпионатында жеңімпаз атанды
АСТАНА. ҚазАқпарат - Оңтүстік Кореяның командасы Лос-Анджелеске жақын жерде өткен DARPA Robotics Challenge ең озық робот жасауға арналған халықаралық байқаудың жүлдегері атанды.
АҚШ қорғаныс министрлігінің қолдауымен өтетін шараның жүлде қоры 3,5 млн долларды құрайды.
DARPA - жаңа технологиялармен айналысатын Пентагон бөлімшесі.
Жарыс сегіз міндетті қамтиды, олардың ішінде көлік жүргізу, қоқыс төгілген жерден өту, сатымен көтерілу бар.
Байқау мақсаты - қауіпті ортада адамдардың орнына жұмыс істей алатын роботтарды жасауға ынталандыру, мысалы, атом стансасында апаттың салдарын жою және т.б., деп хабарлайды Би-би-си.
