Оңтүстік пен Солтүстік Корей мемлекеттері бітімге келді
АСТАНА. ҚазАқпарат - КХДР мен Корей Республикасы өкілдері шекаралық аймақтағы жағдайды реттуге бағытталған өзара бітімге келді, деп хабарлады «ВВС» агенттігі.
Ренхап агенттігінің хабарлауынша, Оңтүстік Корея солтүстіктің режіміне қарсы үгіт-насихат жүргізген дауыс күшейткіштерін шекарааралық аймақтан алып кететін болды, ал КХДР өкілдері соны жоймақ болып атқан ракеталары үшін кешірім сұрады. Ресми ақпарат кейінірек екіжақты ортақ мәлімдемеден кейін таратылады. Пханмунджомда өткен екіжақты бітімгершілік кеңесі екі тәулікке созылды. Алайда, осы уақытқа дейін бірден бір ақпарат «сыртқа» шыққан жоқ.
