Оңтүстік-Шығыс аймақтық көлік прокуратурасында Қоғамдық кеңес құрылды

деп хабарлайды ҚазАқпарат  ҚР Бас прокуратурасына сілтеме жасап.

Аталған кеңестің негізгі мақсаты - заңдылықты қамтамасыз ету жолында прокуратура органдарымен жүзеге асырылатын шаралардың тиімділігін арттыру, мемлекетіміздің құқықтық саясатты жүргізуіне ықпал жасау, қоғаммен байланысты нығайту, прокуратураның үкіметтік емес ұйымдармен және тұрғындармен өзара қарым-қатынасын дамыту мен және одан ары жетілдіру болып табылады.
Қоғамдық кеңес өзінің мәртебесі бойынша анықтамалық-кеңес органы болып табылады. Өз қызметін аймақтық көлік прокурорының 2009 жылғы қазанның 8-індегі бұйрығымен бекітілген ереженің негізінде жүзеге асырады.

Оның құрамына «Нұр Отан» ХДП Алматы қалалық филиалы төрағасының бірінші орынбасары, ҚР прокуратура ардагерлері кеңесінің мүшесі, сондай-ақ, бұқаралық ақпарат құралдарының өкілдері - «Транс-экспресс Қазақстан» журналының және «Құқықтық Қазақстан» газетінің бас редакторлары еніп отыр.