Оңтүстік Суданда бензин тасымалдаушы көлік жарылысының құрбандары саны 203 адамға жетті
АСТАНА. ҚазАқпарат - Оңтүстік Судан Денсаулық сақтау министрлігі бензин тасымалдаушы көлік жарылысы құрбандарының саны 203 адамға жеткендігін мәлім етті.
Елдің Денсаулық сақтау министрі Риак Гаи Коктың атап өтуінше, 150-ден астам зардап шегуші ауруханада жатыр. Аса ауыр күйік жарақатын алған 65 адам Оңтүстік Судан астанасы Джубаның басты госпиталіне жіберілді, деп хабарлайды РИА Новости.
