13:35, 11 Ақпан 2009 | GMT +5
Оңтүстікафрикалық ETV News телеарнасы Джорж Буштың қазасы туралы хабарлады
ПРЕТОРИЯ. Ақпанның 11-і. ҚазАқпарат - Оңтүстікафрикалық ETV News телеарнасы қателесіп, Джорж Буштың қазасы туралы хабарлады.

Телеарнаның тікелей эфирінде үш секунд бойы «Джордж Буш қайтыс болды» деген жүгіртпе сөз көрсетілген, деп хабарлайды ҚазАқпарат Utro.ru сайтына сілтеме жасап. Кейіннен анықталғандай, бұл хабарлама, жүгіртпе сөздің қалай көрінетінін көргісі келген арна басшыларының бірінің өтініші бойынша жазылып, эфирге байқамай кетіп қалған болып шықты.