Оңтүстіккореялық әнші PSY тағы да YouTube-ты «шулатып» жатыр

АСТАНА. ҚазАқпарат - Оңтүстіккореялық әнші PSY YouTube-тағы жеке каналына екі жаңа бейнебаянын жариялады. Қос ролик те 1 сағат ішінде миллионнан астам көрілім жинаған.

I LUV IT деп аталатын бейнебаянда әйгілі жапондық әнші Пико Таро бар. Оның Pen-Pineapple-Apple-Pen деген әні Billboard чартында (чарт - танымал әншілердің немесе музыкалық топтардың тізімі, олардың танымалдылығы дисктері мен топтамаларының сатылымы негізінде анықталып, жарияланып тұрады) осыған дейін жарық көрген барлық әндердің ішіндегі ең қысқасы ретінде Гиннестің рекордтар кітабына енген.

Екінші видео - New Face әніне түсірілген бейнебаян.

Айта кетейік, Оңтүстіккореялық репер PSY Gangnam Style әнімен әлемге танымал болған. Бұл әнге түсірілген клип YouTube-та алғаш рет екі миллиард көрілім жинаған ролик атанған еді.