Оңтүстік Кореяның метро құрылысы алаңы опырылып қалды
АСТАНА. KAZINFORM – Корея Республикасындағы метро құрылысы опырылып құлады. Бұл туралы полицияға сілтеме жасап, Ренхап агенттігі хабарлады деп жазды Синьхуа.
Ел астанасы Сеулдің оңтүстігіндегі Гванмёнг қаласындағы жер асты құрылыс алаңы жергілікті уақыт бойынша шамамаен 15:13–те опырылған. Учаскедегі 17 жұмысшының біреуі жер астында қалып, бір экскаваторшы із-түзсіз жоғалып кеткен.
Апат кесірінен жолдар мен жақын маңдағы коммерциялық нысандар зақымданған.
Соның алдында ғана салынып жатқан жерасты тоннелінің тіреуіштерінде жарықтар бар екені айтылып, опырылуы мүмкін екені болжанған көрінеді.
Апаттан кейін маңындағы жолдар түгелімен жабылып, қозғалыс шектелген.
— Жақын маңайда тұратын тұрғындарды эвакуациялау туралы бұйрық берілді, — дейді билік өкілдері.
Бұған дейін хабарланғандай, Түркияда шахта опырылып 14 адам жарақат алды.
