ОПЕК мұнай өндіру квотасын өзгертпеу туралы шешім қабылдады

АСТАНА.  Желтоқсанның   22-сі.  ҚазАқпарат -  Мұнай  экспорттаушы  елдер ұйымының (ОПЕК) мүшелері    шикізат   өндірісіне  белгіленген квотаны өзгертпеу  туралы  шешім қабылдады.

Бұл туралы Анголаның  елордасында   өткен  кездесуде      Сауд  Арабстанының     мұнай  министрі Әли әл-Наими    мәлім етті,  деп  хабарлайды Associated Press агенттігі.

ОПЕК елдерінің кездесуі      картельге  осыдан екі жыл   бұрын   қосылған  Анголада алғаш рет өтіп  отыр.

ОПЕК Бас  хатшысы  Абдалла  әл-Бадри бұдан бұрын мәлім еткендей,   мұнайдың әлемдік бағасы  қазіргі уақытта  «өте  ыңғайлы»  деңгейде тұр.  75 доллар/баррель шамасындағы бағаның  қазіргі   деңгейін  картельге мүше елдердің   көбісі     оңтайлы  деп    санайды.