OpenAI McDonald's пен Chevron-нан да құнды болып тұр

АСТАНА. KAZINFORM – OpenAI 40 миллиард долларға дейін жаңа қаржыландыру алатынын мәлімдеді, бұл компанияның құнын айтарлықтай арттырады, деп хабарлайды Kazinform сайтының меншікті тілшісі Fox Business сайтына сілтеме жасап.

Жапондық инвестициялық топ егер жасанды интеллект (AI) компаниясы жыл соңына дейін коммерциялық нысанға айналатын болса, OpenAI-ді сәуірдің ортасында 10 миллиард доллар сондай-ақ желтоқсанда тағы 30 миллиард доллармен қаржыландыруға келісті.

OpenAI мәліметінше, егер аталған аталған қаржыландыру толықтай жүзеге асып, 300 миллиард доллар бөлінген жағдайда, сейсенбідегі жағдай бойынша нарықтағы құны 223 миллиард доллар мен 294 миллиард доллардан асатын қаржысы бар фастфуд алпауыттары McDonald's пен энергетикалық компания Chevron-нан жоғары болып саналмақ. 

OpenAI 40 миллиард доллар компанияға AI зерттеулерін жалғастыруға, есептеу инфрақұрылымын кеңейтуге және ChatGPT пайдаланатын 500 миллион адам үшін қуатты құралдармен қамтамасыз етуге көмектесетінін айтты.

Еске сала кетейік, бұған дейін OpenAI мәтінді бейнеге түрлендіретін Sora нейронжелісін ұсынғанын жазған болатынбыз.