Орал қаласында бастауыш сынып оқушылары бүгін де қашықтан оқиды

Орал қаласында -25 градус аяз болуына байланысты бірінші ауысымда бастауыш сынып оқушылары қашықтан оқиды, деп хабарлайды Kazinform. 

Орал қаласы білім беру бөлімі таратқан хабарламада «Орал қаласында 9 қаңтар күні ауа температурасы -25 градус аяз болуына байланысты 1 ауысымда 1-4 сыныптар қашықтан оқиды», - делінген.

Қалада кеше де таңмен бастауыш сынып оқушылары қашықтан оқуға көшірілген болатын. Сондай-ақ түс қайта аязға байланысты 1-9 сынып оқушылары қашықтан білім алды.