Оралда 2 300 адам эвакуация пунктінде тұрып жатыр
ОРАЛ. KAZINFORM — Орал төңірегіндегі саяжайлардан адамдар әлі көшіріліп жатыр. Бұл жайында төтенше жағдайлар министрлігінен хабарланды.
«Қазіргі уақытта Батыс Қазақстан облысының эвакуация пунктерінде 2 300 адам, оның ішінде 985 бала бар. 4 925 мал қауіпсіз жерге айдалды» дейді ТЖМ баспасөз қызметінен.
Еске сала кетейік, бүгін Орал төңірегінде саяжайлар суға кетіп жатыр.
ТЖМ және жұмылдырылған күштер су басқан саяжай учаскелерінде алдын ала 1376 адамды эвакуациялап, уақытша орналастыру пунктеріне жеткізді.
