Оралда 26 градус аяз: Бастауыш сыныптарда сабақ болмайды

ОРАЛ. ҚазАқпарат - Бүгін Оралда аязға байланысты бастауыш сыныптарда сабақ тоқтатылды, деп хабарлайды ҚазАқпарат тілшісі.

БҚО ТЖ департаменті ескерткеніндей, бүгін таңертең облыс орталығында температура тілі 26 градус аязды көрсетті. Осыған байланысты бірінші ауысымдағы 1-4 сыныптарда сабақ болмайды.

Айта кетейік, мұндай қатты аяз биыл Оралда бірінші рет тіркеліп отыр.