Оралда автокөлік қағып кеткен ер адамның жағдайы өте ауыр
ОРАЛ. ҚазАқпарат – Оралда автокөлік қағып кеткен ер адамның жағдайы өте ауыр, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметінен мәлім еткендей, оқиға бүгін түнде сағат 00.55-те Подстепныйға барар жолдағы көпірде болды.
«1988 жылғы ер адам қалалық көпбейінді аурухананың жансақтау бөлімінде жатыр. Ота жасалған, есі әлі кірген жоқ. Жағдайы өте ауыр», - деп хабарлады ведомстводан.
Қазіргі кезде оқиғаның мән-жайы анықталу үстінде.
Еске сала кетейік, бұдан бұрын Оралда 26 жастағы жігіттің тоғызыншы қабаттан секіріп кеткенін жазған болатынбыз.
