Оралда белгісіз ер адамның мүрдесі табылды
ОРАЛ. ҚазАқпарат - Оралда бүгін таңертең ер адамның мүрдесі табылды, деп хабарлайды ҚазАқпарат тілшісі.
Ер адамның денесі Д.Нұрпейісова көшесі бойындағы «Guest» түнгі клубы мен А.Островский атындағы облыстық орыс драма театры арасындағы бұталардың ішінен табылған.
Марқұмның денесінде зорлық белгілері болмаған.
БҚО полиция департаменті жергілікті полиция қызметінің басшысы, полиция полковнигі Манарбек Ғабдуллин қазіргі кезде осы оқиға бойынша жұмыстар жүргізіліп жатқанын жеткізді. Нақты мәлімет кейін берілетін болады.
Еске сала кетейік, бүгін автокөлік қағып кеткен ер адамның көз жұмғанын жазған болатынбыз.
