Оралда ер адам 10-қабаттан секіріп кетті

ОРАЛ. ҚазАқпарат – Орал қаласында ер адам 10-қабаттан секіріп кетті, деп хабарлайды ҚазАқпарат тілшісі.

БҚО полиция департаментінің ресми өкілі Болатбек Белгібековтің айтуынша, оқиға 25 сәуір күні Д.Қонаев атындағы шағынаудандағы көп қабатты үйлердің бірінде болды.

Азиат пішіндес, жасы 35-40-тардағы ер адам 10-қабаттың терезесінен секіріп кеткен.

Марқұм жедел жәрдем келгенге дейін көз жұмды.

Қазіргі кезде оқиғаның мән-жайы анықталу үстінде.

Еске сала кетейік, бұдан бұрын Ақсай қаласында қатты желдің дүкеннің шатырын жұлып әкеткенін жазған болатынбыз.