Оралда қала күніне орай сурет көрмесі ашылды
ОРАЛ. Қыркүйектің 12-сі. ҚазАқпарат /Ғайсағали Ералы/ - Орал қаласындағы «Жастар» мәдениет сарайында қала күніне орай сурет көрмесі ашылды,
деп хабарлайды ҚазАқпарат тілшісі.
Қала күні қарсаңында фотосуретшілердің арнайы байқауы ұйымдастырылған болатын. Қазылар алқасы Орал туралы ең таңдаулы суреттерді іріктеді. Олардың арасында Рафхат Халелов, Оксана Каткова, Ардақ Қасымова сынды фотографтардың жұмыстары бар.
Байқау жеңімпаздары қыркүйектің 19-ында қала күні барысында марапатталатын болады.
