Оралда көп қабатты үйдің терезесінен құлап кеткен бала тірі қалды
ОРАЛ. ҚазАқпарат - Орал қаласында 7 қаңтар күні таңертең сағат 07.55-те көп қабатты үйдің терезесінен төрт жасар бала құлап кеткен, деп хабарлайды «ҚазАқпарат» ХАА тілшісі.
БҚО денсаулық сақтау басқармасының баспасөз хатшысы Флюра Саматованың айтуынша, бала жабық бас-ми жарақатын алған, оған қоса кеуде тұсы зақымданған. Қазіргі кезде ол облыстық ауруханада емделуде. Бүлдіршіннің өміріне қауіп төніп тұрған жоқ.
