Оралда қос автокөлік соқтығысып, біреуі өртеніп кетті
ОРАЛ. ҚазАқпарат – Оралда қос автокөлік соқтығысып, біреуі өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 15 қыркүйек күні сағат 18.56-да Зачаган кентінде болды.
Орал-Саратов жолы бойында «Ауди-100» мен «Nissan X-trail» автокөліктері соқтығысқан.
Соның салдарынан «Ауди-100» автокөлігінің салоны мен мотор бөлігі отқа оранды.
Оқиға орнына 6 адам, 1 техника барып, өрт сағат 19.19-да сөндірілді.
Қазіргі кезде оқиғаның жай-жапсары анықталып жатыр.
Еске сала кетейік, бұдан бұрын БҚО-да тұрғын үйде өрт болып, бір адамның қаза тапқанын жазған болатынбыз.
