16:57, 15 Шілде 2019 | GMT +6
Оралда қос автокөлік түйісіп, алты адам зардап шекті
ОРАЛ. ҚазАқпарат – Оралда қос автокөлік түйісіп, алты адам зардап шекті, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға 12 шілде күні шамамен сағат 20.00-де орын алды.
Н.Назарбаев даңғылымен келе жатқан «ВАЗ-11183» автокөлігі М.Ықсанов көшесімен қиылыста солға бұрылған кезде қарсы беттегі «Лада 21144» автокөлігіне жол бермей, соқтығысқан.
«ВАЗ-11183» автокөлігінің жүргізушісіне қатысты ҚР Әкімшілік құқықбұзушылық кодексі 610-бабына сәйкес әкімшілік хаттама толтырылды.
Облыстық денсаулық сақтау басқармасының мәліметі бойынша аталған жол апаты салдарынан 6 адам зардап шекті. Олардың біреуі ауруханаға жатудан бас тартты. Қалғандары облыстық көпбейінді ауруханаға жеткізілді. Дәрігерлер қарағаннан кейін амбулаторлық ем алуға жіберілді.