Оралда «Нұр Отан» ХДП кубогі үшін шағын футболдан жарыс мәреге жетті
ОРАЛ. 30 сәуір. ҚазАқпарат - Оралда «Нұр Отан» ХДП кубогі үшін шағын футболдан турнир мәреге жетті.
Жеңістің 68 жылдығына және Отан қорғаушылар күніне арналған жарысқа барлығы онға жуық команда қатысып, кубокті сарапқа салды.
«Нұр Отан» ХДП БҚО филиалы төрағасының орынбасары Аққали Әубекеров, Орал қалалық мәслихатының хатшысы Абат Шыныбеков бұл шараның, бір жағынан, аға ұрпақтың ерлігіне тағзым ету болса, екінші жағынан, салауатты өмір салтын орнықтыру екенін атап өтті.
Жарыс қорытындысында Орал қалалық мәслихатының командасы жеңімпаз атанды. №42 мектеп-гимназия мен «Нұр Отан» ХДП БҚО филиалының командалары екінші-үшінші орынды бөлісті.
