13:01, 08 Қыркүйек 2019 | GMT +6
Оралда өрт орнынан ер адамның мүрдесі табылды
ОРАЛ. ҚазАқпарат – Оралда өрт орнынан ер адамның мүрдесі табылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға кеше кешкісін М.Мәметова көшесіндегі 52-тұрғын үйде болған.
Бес қабатты үйдегі 53-пәтерде өрт болып жатқаны жөнінде сағат 19.12-де хабар түскен.
Аумағы 20 шаршы метрді қамтыған өрт орнынан 1961 жылғы ер адамның мүрдесі табылды.
Үйден 18 адам эвакуацияланды, соның үшеуі – бала. 4 адам құтқарылса, соның біреуі – бала.
«Тілсіз жауды» ауыздықтауға 18 адам, 6 техника жұмылдырылды. Өрт сағат 20.17-де сөндірілді.
Өрттің шығу себебі, кінәлі адамдар, келтірілген шығын анықталу үстінде.