Оралда полиция қызметкері көлігімен велосипед мінген баланы қағып кетті
ОРАЛ. ҚазАқпарат - 13 шілде күні шамамен сағат 19.15-те Орал қаласында БҚО мемлекеттік мамандандырылған күзет қызметі басқармасының 1982 жылғы Ж. деген полицей-жүргізушісі «Шанс» автокөлігімен Құрманғазы көшесі 169-үйдің ауласынан шыға бергенде, «Гүлдер» дүкенінің жанында «Стелс» велосипедімен келе жатқан Мичурин орта мектебінің 8-сынып оқушысы, 2004 жылғы Александр есімді балаға жол бермей, қағып кеткен, деп хабарлайды «ҚазАқпарат» тілшісі.
Орал қалалық ішкі істер басқармасының баспасөз қызметінен түскен мәліметке қарағанда, жол-көлік оқиғасы салдарынан жасөспірім облыстық көпбейінді балалар ауруханасының жарақат пунктіне жеткізілген. Оған «сол аяғы сынып, орнынан қозғалған» деген диагноз қойылған.
Медициналық сараптама қорытындысына сәйкес жүргізуші ішімдік ішпеген.
