Оралда прокуратураның араласуымен сот орындаушының заңсыз шешімі бұзылды

ОРАЛ. ҚазАқпарат - Орал қаласы прокуратурасы сот қаулыларының орындалу заңдылығын тексеру барысында мемлекеттік сот орындаушысының 80 млн астам теңгенің жанар-жағар май материалдарын тәркілеу туралы атқару өндірісін заңсыз қысқартқандығын анықтады, деп хабарлайды «ҚазАқпарат» тілшісі.

БҚО прокуратурасының баспасөз қызметінен түскен мәліметке қарағанда, осыған байланысты қала прокуратурасы Орал қалалық №2 сотына мемлекеттік сот орындаушының атқару өндірісін қысқарту бойынша әрекетін заңсыз деп тану туралы өтінішпен жүгінді.
Сот шешімімен өтініш қанағаттандырылып, қазіргі таңда сот актісін орындау бағытында шаралар алынуда.