Оралда сегіз елдің бадминтон шеберлері шын мықтыны анықтайды

АСТАНА. ҚазАқпарат - Оралда бадминтоннан ересектер арасындағы АПАКС халықаралық турнирі өтіп жатыр,  деп хабарлайды ҚазАқпарат тілшісі.

ҚР Ұлттық олимпиада комитетінің баспасөз қызметі мәлім еткендей, жарыстың жүлде қоры - 10 мың АҚШ доллары.

Жарысқа сегіз елден спортшылар қатысуда. Атап айтар болсақ, Қазақстаннан - 30, Өзбекстан мен Ресейден - 18, Австралия, Үндістан және Бахрейннен бір-бір өкіл бар.

Турнирде жеңімпаз атанған спортшы Халықаралық дәрежедегі спорт шебері атағына ие болады.

Оралдағы жарысқа жалпы есебі 32 төреші қазылық етуде. Оның ішінде төрт төреші Азия бадминтон қауымдастығының өкілдері.