Оралда төрт жасөспірім 13 жасар қызды зорлаған
ОРАЛ. ҚазАқпарат – Орал қаласында төрт жасөспірім 13 жасар қызды зорлаған, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткеніндей, оқиға 12 маусымға қараған түні болды.
«Шамамен сағат 01.00-де 2006 және 2007 жылы туған төрт жасөспірім Орал қаласында жалға алған пәтерде 13 жасар қызды зорлаған. Аталған жасөспірімдер бұрын қылмыс жасағандары үшін есепте тұрған. Аталған дерек бойынша ҚР ҚК 120-бабы 4-бөлігіне (зорлау) сәйкес сотқа дейінгі тергеу амалдары жүргізілуде. Басқа ақпарат ҚР Қылмыстық іс жүргізу кодексінің 201-бабына сәйкес жариялауға жатпайды», деп хабарлады ведомстводан.
Еске сала кетейік, бұдан бұрын Оралда 37 жастағы әйелдің алты күннен бері іздестіріліп жатқанын жазған болатынбыз. Әйел аман-есен табылды.
