Оралда тұрғын үйде өрт болып, сегіз адам құтқарылды
ОРАЛ. ҚазАқпарат - Оралда бүгін тұрғын үйде өрт болып, сегіз адам құтқарылды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен алынған мәліметке қарағанда, Жәңгір хан көшесіндегі бес қабатты №11 үйдің 86-пәтерінде жеке заттар мен жиһаз жанып жатқаны жөнінде сағат 16.44-те хабар түскен.
Төртінші қабатта шыққан өрт аумағы 100 шаршы метрді қамтыды. Оқиға орнынан 8 адам құтқарылса, соның алтауы - бала. Оған қоса 25 адам шығарылды.
Өрт сағат 17.40-та сөндірілді.
