Оралда зейнеткер әйел автобуста көз жұмды
ОРАЛ. ҚазАқпарат - Орал қаласында зейнеткер әйел автобуста көз жұмды, деп хабарлайды ҚазАқпарат тілшісі.
Оқиға бүгін №46 бағытта қатынайтын автобус ішінде болған.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдемге Мәскеу көшесі бойында «Питстоп» жанар-жағармай құю стансасы тұсынан сағат 10.57-де қоңырау шалынған.
Жедел жәрдем сағат 11.00-де жеткенімен, 1938 жылғы әйел оған дейін «ПАЗ» автобусының ішінде қайтыс болып кеткен.
Марқұмның мүрдесі полиция қызметкерлеріне тапсырылды.
Қазіргі кезде оқиғаның жай-жапсары анықталу үстінде.
