Оралда жанар-жағар май стансасы жанында автокөлік өртенді

ОРАЛ. ҚазАқпарат – Оралда жанар-жағар май стансасы жанында автокөлік өртенді, деп хабарлайды ҚазАқпарат тілшісі.

БҚО ТЖ департаменті зілзалардың қауіп-қатерін азайту және азаматтық қорғау саласындағы бақылау басқармасының бастығы Ерлан Төрегелдиевтің айтуынша, оқиға кеше сағат 20.19-да Зачаган кенті Жәңгір хан көшесі бойында болған.

«Нефтэк» ЖШС жанар-жағар май құю стансасы ауданында «Nissan Pathfinder» автокөлігінің мотор бөлігі отқа оранды.

«Тілсіз жау» БҚО ТЖ департаменті өрт сөндіру қызметінің күшімен (6 адам, 1 техника) сағат 20.37-де ауыздықталды.

Департамент көлік құралдарының отқа шалынбауы үшін қауіпсіздік шараларын сақтау қажеттігін ескертеді.