Оралда жолаушылар тасымалдайтын екі автобус соқтығысты
ОРАЛ. ҚазАқпарат - Бүгін Орал қаласында сағат шамамен 08.40-та жолаушылар тасымалдайтын екі автобус соқтығысты, зардап шеккендер бар, деп хабарлайды оқиға орнынан «ҚазАқпарат» тілшісі.
Шаған өзенінен өтетін көпірге жақын жерде, Зачаган кенті жақтан келе жатқан №7 және №5 бағыттарда жүретін қос автобус түйісті. 
Адамдар жұмысқа баратын қарбалас уақыт болғандықтан, автобустың іші лық толы еді. Зардап шеккен жолаушыларға көмек көрсету үшін жедел жәрдем қызметінің екі бірдей бригадасы келді. №7 автобус жүргізушісі қатты жарақат алған.
Қазіргі кезде оқиғаның жай-жапсары анықталу үстінде.
