Оралдағы «Шаңырақ» жасөспірімдер үйі күрделі жөндеуден өтті
ОРАЛ. KAZINFORM — Орал қаласында 1958 жылы салынған «Шаңырақ» жасөспірімдер үйінде күрделі жөндеу жұмыстары аяқталды.
74 бөлмесі мен 106 орынға арналған ғимарат тұрғындарға тағы да есігін айқара ашты.
Жасөспірімдер үйінде 25 пен 53 жас аралығындағы 67 түлек және кәмелетке толмаған 78 бала тұрады.
Күрделі жөндеуге қаржыландыру 2023 жылғы наурызда жергілікті бюджеттен 575 млн 974 мың теңге көлемінде бөлінді.
Конкурстық рәсімдерді өткізу нәтижесінде жобаның мердігері «ТасқалаТрансГаз» ЖШС болды.
Жұмыстар белгіленген мерзімде орындалды және күрделі жөндеу 2024 жылғы 20 маусымға дейін аяқталды.
2024 жылдың 25 мамырынан бастап іргелес аумақты абаттандыру, соның ішінде асфальт төсеу және ойын алаңдарын абаттандыру жұмыстары басталды.
2024 жылдың 10 сәуірінен бастап тұрғындар «Шаңырақ» жасөспірімдер үйіне қайта оралды.
Жаңартылған ғимараттың салтанатты ашылуына Батыс Қазақстан облысының әкімі Н.Төреғалиев қатысты.
Ол жобаның өмір сүру жағдайларын жақсарту және өңірдің әлеуметтік инфрақұрылымын дамыту үшін маңыздылығын атап өтті.
«Шаңырақ» жасөспірімдер үйі енді қалада маңызды әлеуметтік миссияны жалғастыра отырып, өз тұрғындары үшін заманауи және жайлы жағдай жасайды.
