Оралдық тұрғынның медициналық масканы көтеріңкі бағамен сатқаны анықталды

ОРАЛ. ҚазАқпарат – Оралдық тұрғынның медициналық масканы көтеріңкі бағамен сатқаны анықталды, деп хабарлайды ҚазАқпарат тілшісі.

БҚО экономикалық тергеулер департаментінен түскен мәліметке қарағанда, төтенше жағдай режиміне қарамастан, ол тұрғындарға 2800 масканы өткізген.

Бұдан түскен қаржы 560 мың теңгені құрады.

«Қазіргі кезде сотқа дейінгі тергеу амалдары жүргізілуде. Егер медициналық масканы көтеріңкі бағамен сату деректеріне куә болсаңыз, 8-711-2-53-84-27 телефонына хабарласуыңызды сұраймыз», делінген департамент таратқан хабарламада.

Еске сала кетейік, бұдан бұрын Оралда волонтерлер көп балалы аналарға маска мен антисептиктер таратқанын жазған болатынбыз.