Оралдың құс фабрикасында 150 тонналық резервуар өртеніп жатыр
ОРАЛ. ҚазАқпарат – Бүгін «Орал құс фабрикасы» ЖШС аумағында өрт шықты, деп хабарлайды ҚазАқпарат тілшісі.
Батыс Қазақстан облыстық Төтенше жағдайлар департаментінің баспасөз қызметінен түскен мәліметке қарағанда, сағат 16.00-де 150 тонна жем қалдықтары (күнбағыс күнжарасы) сақталған үлкен сыйымдылықтың жанып жатқаны жөнінде хабар түскен.
Өрттің шығу себебі анықталуда.
Оқиға орнында 25 адам, 6 техника жұмыс жасауда.
Сағат 17.02-де оқшауланған өрт сөндірілу үстінде.
