Өрт орнынан 70 жастағы кейуананың мүрдесі табылды - ҚР ТЖМ
АСТАНА. 28 қыркүйек. ҚазАқпарат - Кеше Солтүстік Қазақстан облысына қарасты Сергеевка ауылында жеке тұрғын үй өрт құшағына оранды,
деп хабарлады ҚР Төтенше жағдайлар министрлігінің баспасөз қызметінен.
Ведомствоның ақпаратына қарағанда, өрт жарты сағаттың ішінде сөндірілген. Жалынды ауыздықтауға ҚР ТЖМ СҚО ТЖД өрт сөндіру қызметінің 3 маманы мен 1 техникасы жұмылдырылған.
«Өрт орнынан 70 жастағы әйелдің мүрдесі табылды. Иіс тиген 48 жастағы азамат ауруханаға жеткізілді», - делінген хабарламада.
