Орталық Еуропада тұрғын үйді жалға алу бағасы көтеріліп келеді

АСТАНА. KAZINFORM — Орталық Еуропа елдерінде тұрғын үйді жалға алу құны өткен айда жылдық көрсеткіш бойынша орташа есеппен 7,6 пайызға артты, ал айлық өсім шамамен 1 пайызға жуықтады, деп жазады АЗЕРТАДЖ.

Бұл туралы Budapest Business Journal басылымы хабарлады.

Словакия астанасы Братиславада жалдау ақысы 8,6 пайызға артқан.

Чехия астанасы Прагада орташа айлық жалдау ақысы 680 еуроны құрады.

Мажарстанда тұрғын үйді жалға алу бағасы бір айда ел бойынша 0,9 пайызға, ал Будапештте 1,3 пайызға өскен. Елдің басқа қалаларында жағдай әртүрлі: елдегі екінші ірі қала – Дебреценде орташа айлық жалдау ақысы 225 000 форинтті (1 еуро = 402 форинт) құрады. Сегед, Печ және Дьёр сияқты аймақтық орталықтарда бұл көрсеткіш 160 000–190 000 форинт аралығында болды.

Бұған дейін Еуропа елдері АҚШ әкімшілігінің Халықаралық қылмыстық соттың (ХҚС) апелляциялық палатасының төрт судьясына жаңа санкциялар енгізу туралы шешіміне байланысты Халықаралық сотқа қолдау білдіргенін жаздық.