Орталық Азия елдері мұздықтарға бірлесіп мониторинг жүргізбек
АСТАНА. ҚазАқпарат – Орталық Азиядағы бүкіл мұздықтарды мониторингтеуге және модельдеуге арналған ортақ құжат әзірнеленеді. Премьер-Министрдің бірінші орынбасары Роман Скляр Мәжіліс депутаттарының Арал проблемасына аранлған сауалына берген жауабында осныдай мәлімет келітірлген, хабарлайды ҚазАқпарат тілшісі.
«Жасыл Орталық Азия» бастамасының аясында Орталық Азиядағы бүкіл мұздықтарды мониторингтеуге және модельдеуге арналған ортақ құжат әзірлеу жоспарланып отыр. Сондай-ақ, «Орталық Азиядағы климат сын-қатерлерін басқару» жобасын іске асыру көзделген. Бұл жоба ұлттық деңгейде бектіілген орнықты даму мақсаттарының климаттың өзгеруіне бейімделу, бейбітішілік және қауіпсіздік бағыттарында бекітілген көрсеткіштеріне қол жеткізуге ықпал етеді», - деп жазады Үкімет басшысының бірінші орынбасары.
Сондай-ақ, ол ҚР Экология және табиғи ресурстар министрлігі мен Халықаралық әріптестік жөніндегі Германия қоғамы арасында өңірлік бағдарламаны іске асыру туралы келісімшартқа қол қойылатынын айтады.
«Одан бөлек БҰҰ-ның Климаттың өзгеру жөніндегі негіздемелік конвенциясы тараптарының 27- конференциясында Орталық Азия үкіметтерінің атынан «Орталық Азия үні» атты өңірлік мәлімдемесі жарияланды. Ол мәлімдемеде өңірдегі климаттық өзгерістердің ортақ проблемалары баяндалып, климат өзгерісне бейімделу және оны жеңілдету бағытындағы қадамдар ұсынылды», - деп жазылған жауапта.
