Орынборда жол-көлік апатынан үш қазақстандық жапа шекті
АСТАНА. ҚазАқпарат - Казань-Орынбор-Ақбұлақ жолында екі жеңіл көлік соқтығысты. «Фольксваген-Поло» озбақ болған «Мерседес Бенцке» жол бермеген, деп хабарлады ria56.ru.
Апат Соль-Илецк бағытында орын алды. Көліктер қатты бүлінді.
«Фольксваген» автомобилінің жүргізушісі ми-бас жарақаттарымен Соль-Илецк ауруханасының хирургиялық бөлімшесіне жеткізілді. «Фольксваген» көлігінің екі жолаушысы іш жарақатымен және ми контузиясымен жергілікті аурухананың хирургиялық бөлімшесіне жеткізілді.
- Жапа шеккендердің барлығы Қазақстан Республикасының азаматтары болған, - деп атап өтті ІІМ Орынбор облысы бойынша ММ баспасөз қызметінде.
Жол-көлік апаты бойынша тексеру жұмыстары жүргізіліп жатыр. Болған оқиғаның мән-жайы анықталып жатыр.
