Ош облысына қарасты Ноокат ауданындағы жағдай бақылауда - Қырғызстанның құқық қорғау органдары
БІШКЕК. 1 наурыз. ҚазАқпарат /Арнұр Рахымбеков/ - Қырғызстанның құқық қорғау органдары Ош облысына қарасты Ноокат ауданындағы жағдайды тұрақтандыра алды,
ол жерде жергілікті салық қызметкерінің өлімін тергеуді талап еткен бір топ адамдар бой көтерген еді.
Күннің бірінші жартысында Ноокат ауданында жергілікті салық инспекциясының бастығы Сағынбек Әлімбаевты өлтірген адамды табуды талап етіп қырғыз ұлтының адамдары митинг ұйымдастырған еді.
Қазіргі таңда аудан орталығындағы жағдай тынышталған. Қырғызстанның ІІМ басшысы З.Рысәлиев ұлтаралық қақтығыстар Ош қаласына көшті деген ақпаратты жоққа шығарды. «Ош қаласында бәрі тыныш, қала базары жұмыс істеп тұр», - деді министр.
