Ош облысында түйнеме жұқтырды деген күдікпен 12 адам ауруханаға жатқызылды
БІШКЕК. ҚазАқпарат - Ош облысының Қарақұлжа ауданында түйнеме ауруын жұқтырды деген күдікпен 12 адам ауруханаға жатқызылды. Бұл туралы «Кабар» агенттігі Қырғыз Республикасының Денсаулық сақтау министрлігіне сілтеме жасап хабарлайды.
Олардан сынамалар алынған, бірақ түйнеменің бар-жоғы әлі расталған жоқ.
«Талдау нәтижелері бірнеше күннен кейін белгілі болады. Ауруханаға жатқызылған 12 адамға алдын алу ем-домы жасалып жатыр», - деп мәлімдеді министрліктің баспасөз қызметі.
Алдын ала мәліметтерге қарағанда, ауруханаға жатқызылғандардың бәрі Сібір жарасымен ауырған малды сойып, артынша бөліске салған.
