ОСК Патриоттар партиясы атынан Президенттікке кандидат ретінде ұсынылған сенатор Ғ. Қасымовқа қол жинау парақтарын беру туралы қаулы қабылдады
АСТАНА. 21 ақпан. ҚазАқпарат /Асқар Бимендин/ - Бүгін ОСК Қазақстанның Патриоттар партиясы атынан ұсынылған үміткер, ҚР Парламенті Сенатының депутаты Ғани Қасымовтың заңнама талаптарына және үміткердің президенттік қызметке сәйкес келетіндігі туралы қаулы қабылдады және оған қол жинау парақтарын берді.
Әдеттегідей, тиісті қаулы жобасын Орталық сайлау комиссиясының хатшысы Бақыт Мелдешев таныстырды.
«Аталмыш кандидат Конституцияда және «Қазақстан Республикасындағы сайлау туралы» ҚР Конституциялық заңында қойылатын талаптарға сәйкес деп анықталсын. Қасымов Ғани Есенгелдіұлына ҚР президенттігіне кандидатты қолдауға арналған қолды жинау үшін қол жинау парақтары берілсін», - деді Б.Мелдешев.
Орталық сайлау комиссиясының мүшелері осы дәлелдерді құптай отырып, Ғани Қасымовты өзін қолдау үшін қол жинауға жіберуді танитын құжатқа қол қоюға дауыс берді.
Егер үміткер кем дегенде 91 мың және 10 дауыс жинаса, ОСК оны ҚР Президенттігінен үміткер ретінде тіркейтін болады.
