Өскемен-Бозанбай тасжолында жол апатынан бір адам қаза тапты
ӨСКЕМЕН. KAZINFORM – Шығыс Қазақстан облысындағы Өскемен-Бозанбай тасжолында жол апатынан бір адам көз жұмды.
Ұлан ауданы Баяш Өтепов ауылы маңында Chevrolet Cobalt пен Mitsubishi Pajero автокөліктері соқтығысқан. Соның салдарынан Chevrolet Cobalt көлігінің жүргізушісі оқиға орнында мерт болды.
- Ал Mitsubishi Pajero көлігінің жүргізушісі мен Chevrolet Cobalt көлігінің жолаушысы түрлі дене жарақатымен медициналық мекемеге жеткізілді. Аталған факті бойынша сотқа дейінгі тергеу басталды, - деп хабарлады ШҚО Полиция департаментінен.
Қазіргі уақытта жол апатының мән-жайын анықтауға бағытталған қажетті тергеу амалдары жүргізіліп жатыр.
Еске салсақ, осыған дейін Алматыда көлік бес жаяу жүргіншіні қағып кеткені хабарланған.
