Өскеменде 8000 адам үйден дауыс береді
ӨСКЕМЕН. ҚазАқпарат - 8000-ға жуық мүмкіндігі шектеулі өскемендік бүгін үйде дауыс береді, деп хабарлайды ҚазАқпарат тілшісі.
Өскемен аумақтық сайлау комиссиясының төрағасы Фархад Құрмановтың айтуынша, қала тұрғындарының алды сағат 07:00-де дауыс беру учаскелеріне келіп алған.
«Өскемен қаласындағы 120 сайлау учаскесіне 244 667 сайлаушы тіркелген. 8000-ға жуық мүмкіндігі шектеулі азамат бүгін үйде дауыс беру мүмкіндігіне ие болады. Қазіргі уақытта қалада Қазақстанның 112 тәуелсіз байқаушысы, ЕҚЫҰ, ТМД, ШЫҰ және басқа да ұйымдардың халықаралық байқаушылары жұмыс істеп жатыр», - дейді Фархат Құрманов.
Шығыс Қазақстан облысының орталығындағы сайлау учаскелері сағат 20:00-ге дейін үзіліссіз жұмыс істемек.
