Өскеменде әскерилер самбодан сайысты
ӨСКЕМЕН. ҚазАқпарат - Шығыс Қазақстан мен Павлодар облысының әскерилері Өскеменде самбодан өткен сайыста бақ сынасты, деп хабарлайды ҚазАқпарат тілшісі.
Облыс орталығындағы №5518 әскери бөлімде өткен сайысқа Өскемен, Семей, Курчатов және Павлодар қаласының әскери бөлім сарбаздары сынға түсті. Жарысқа қатысқан 49 үміткердің 21-і спорт разраяды нормативтерін орындаған.
«Әсіресе Өскемен, Курчатов және Павлолдар қаласының құрама командасы жақсы нәтижелер көрсетті. Куочатов қаласының №3514 әскери бөлімінің командасы сайыстың ең биік сатысына көтерілді. Екінші орынды Павлодар қаласының №6679 бөлімі жеңіп алса, үшінші орын Өскеменнің №6699 әскери бөліміне бұйырды. Бұдаг былай жарыс жыл сайын өтетін болады. Мұнда жеңімпаз атанғандар республикалық біріншілікке жолдама алып отырады» - дейді Шығыс өңірлік қолбасшылығының физикалық дайындық және спорт басшысы Бауыржан Дәрібаев.
