Өскеменде Екінші дүниежүзілік соғыс жәдігерлерінің көрмесі ашылды

ӨСКЕМЕН. ҚазАқпарат - Облыстық сәулет-этнографиялық және табиғи-ландшафты музей-қорығы Жеңіс күніне орай деректі көрме ұсынды, деп хабарлайды «ҚазАқпарат» ХАА тілшісі.

«Олар Отан үшін күресті» экспозициясына шығысқазақстандық майдангерлердің марапаттары, құжаттары, жеке заттары қойылды. Көрме жәдігерлеріне қойылған әр заттың өзіндік тарихы бар, олардың артында адамдардың тағдыры жатыр. Оған сарбаздардың ;азған хаттары, Р. Ахметовтың әскери билеті, С.Қазбаевтың қызылармиялық кітабы, Д. Доценконың грамотасы дәлел бола алады.

Сондай-ақ, көрмеге соғыс кезіндегі суреттер мен кітаптар қойылған.